कुक्कुटपालन योजनेचा अर्ज २०२५ साठी सुरू झाला आहे. राज्य सरकारच्या पशुसंवर्धन विभागाने या योजनेतून गावातील शेतकरी, महिला बचत गटातील महिला आणि बेरोजगार तरुण-तरुणींना मदत करण्याचा विचार केला आहे. योजनेत कोंबड्या मोफत दिल्या जातील. अर्ज सुरू झालाय २ मे २०२५ पासून आणि इच्छुक लोक १ जून २०२५ पर्यंत अर्ज करू शकतात.
या योजनेत तलंगा जातीच्या २५ माद्या आणि ३ नर कोंबड्या दिल्या जातील. योजनेचा एकूण खर्च ५,४२० रुपये आहे. त्यापैकी राज्य सरकार ५० टक्के पैसे देणार आहे. उरलेले पैसे लोकांनी स्वतः भरावे लागतील.
या योजनेचा फायदा गरीब लोकांना होणार आहे. ज्यांच्या कुटुंबांची आर्थिक परिस्थिती ठीक नाही, अल्प आणि अत्यल्प जमीन असलेल्या शेतकऱ्यांना, नोकरी न असलेल्या तरुण-तरुणींना आणि महिला बचत गटातील महिलांना या योजनेत प्राधान्य दिले जाईल. यामध्ये ३० टक्के जागा महिलांसाठी राखीव आहेत.
अर्ज करताना काही महत्वाचे कागदपत्रे लागतात. जसे आधार कार्ड, जमीन मोजणीचा कागद (सातबारा, ८ अ उतारा), रहिवासी प्रमाणपत्र, बँक खाते माहिती, रेशनकार्ड, अपत्य दाखला, जात प्रमाणपत्र (जर असेल तर), आणि शिक्षणाचा दाखला. अर्ज ऑनलाईन https://ah.mahabms.com या संकेतस्थळावर किंवा AH-MAHABMS मोबाईल अ‍ॅपवर करता येईल.
अधिक माहितीसाठी तुम्ही तुमच्या गावच्या पंचायत समितीला, जिल्हा पशुसंवर्धन कार्यालयाला किंवा कॉल सेंटर 1962 वर संपर्क करू शकता. जर अर्ज करताना काही तांत्रिक अडचण आली, तर ८३०८५८४४७८ या नंबरवर मदत मिळेल.
या योजनेमुळे गावातील लोकांना शेतीशिवाय दुसरे रोजगार मिळण्याची संधी मिळेल. त्यामुळे त्यांचा जीवनमान सुधारण्यास मदत होईल. कुक्कुटपालनामुळे लोकांना चांगला उत्पन्न होऊ शकतो आणि ते आर्थिकदृष्ट्या स्वावलंबी बनतील.