शेतकरी मित्रांनो, नमो शेतकरी महासन्मान निधी योजनेचा पुढचा हप्ता कधी येणार, याची उत्सुकता सध्या सगळ्यांच्या मनात आहे. पण याबाबत अजून थोडा वेळ लागणार आहे.
या योजनेचा हप्ता तेव्हाच दिला जातो, जेव्हा पंतप्रधान किसान सन्मान निधी (PM-KISAN) योजनेचा हप्ता आधी जमा होतो. यावेळी पीएम किसानचा २० वा हप्ता उशिरा जमा झाला, त्यामुळे नमो शेतकरी योजनेचा हप्ता देखील थांबला आहे. पीएम किसानचा हप्ता आता जमा झाला असला तरी, त्यानंतर नमो शेतकरी हप्त्याबाबत अजून निर्णय झालेला नाही.
सध्या पावसाळी अधिवेशनात या योजनेसाठी नवीन निधी मंजूर केलेला नाही आणि पुढचा हप्ता देण्यासाठी लागणारा सरकारी निर्णय (GR) देखील काढलेला नाही. त्यामुळे, जरी पीएम किसानचा हप्ता मिळाला तरी नमो शेतकरी योजनेचा हप्ता मिळायला अजून थोडा वेळ लागू शकतो.
यामुळे शेतकऱ्यांमध्ये थोडी चिंता वाढली आहे. काहींना भीती आहे की, या योजनेसाठी ठेवलेले ५,००० कोटी रुपये ‘कृषी समृद्धी योजनेकडे’ वळवले जातील का? सध्या तरी पुढचा हप्ता कधी मिळणार याची अधिकृत माहिती नाही. सरकारकडून अपडेट आल्यावरच खात्रीची माहिती मिळेल.